Parachinar Main Dharna Badshah Anwar Syed Mean Ki Ziyarat Kholney ka Mutalba Mazeed Parhey

روحانی پیشوا میر انور شاہ سید میاں کی مزار زائرین اور تعمیر و مرمت کیلئے کھولنے کیلئے پاراچنار میں ہزاروں عقیدت مندوں نے احتجاجی مظاہرہ کیا اور حکومت سے بد امنی کے دوران بند کئے گئے مزار کو کھولنے کا مطالبہ کیا

روحانی پیشوا میاں شاہ انور کے ہزاروں عقیدت مندوں اور مریدوں نے قبائلی عمائدین کے ہمراہ پریس کلب پاراچنار کے سامنے احتجاجی مظاہرہ کیا اور ڈپٹی کمشنر کے دفتر تک احتجاجی ریلی نکالی مظاہرے میں طوری بنگش قبیلوں کے آٹھ اقوام ، میاں چیغہ اور بادشاہ انور غگ کمیٹی کے رہنماؤں اور ہزاروں کی تعداد میں عقیدت مندوں نے شرکت کی اس موقع پر احتجاجی مظاہرین سے خطاب کرتے ہوئے سابق سینیٹر سجاد سید میاں ، سید محمود جان میاں ، ولی سید میاں ،سید عباس میاں ، ڈاکٹر سید انور میاں ، سید مشیر حسین ، ماہر حسن اور بادشاہ انور غگ کمیٹی کے رہنماؤں نے کہا کہ بدامنی کے دور میں ضلع اورکزئی میں حکومت نے روحانی پیشوا کے مزار کو زائرین کیلئے بند کردیا تھا اب فورسز کی قربانیوں سے امن قائم ہوگیا ہے لہذا بلا تاخیر روحانی پیشوا کا مزار زائرین اور تعمیر و مرمت کیلئے کھول دی جائے کیونکہ زائرین پر پابندی کی وجہ سے روحانی پیشوا کے مریدوں اور عقیدت مندوں میں بے چینی پائی جاتی ہے اور تعمیر و مرمت کی اجازت نہ ہونے کی وجہ سے مزار منہدم ہونے کا خدشہ ہے رہنماؤں نے کہا کہ اگر ان کا مطالبہ پورا نہ ہوا تو ضلع کرم ، ضلع اورکزئی اور ہنگو کے ساتھ پشاور ، اسلام آباد میں بھی احتجاجی مظاہرے جاری رکھیں گے